Моментално Серафимовска преку СтајлСајфер е фокусирана кон соработка специфично со македонски брендови и развивање на истите, како и клиенти со персонализирани стилски услуги. Доколку сте заинтересирани да дознаете повеќе за специфичните услуги, стиснете подоле.

Позадината на Сара се состои од неколку главни моменти.

Серафимовска има завршено магистерски студии на Универзитетот за Уметности во Лондон, со правец “Психологија во мода” (2022), Факултет за дизајн “Parsons The New School” во Њу Јорк со правец “Модни Комуникации” (2018) и курс по модно стилизирање во Милано, Milan Fashion Campus (2012). Во Скопје има завршено курсеви по пост-продукција на фотографија кај Дејан Џолев (2014) и курс за фотографија кај Ани и Дими (2013). Преку нејзиното разнолико искуство, Серафимовска е свесна за двете страни на убавина, зад објективот, и низ објективот.

Како моден консултант, Серафимовска има искуство со соработување со невладината организација SIEC (Social Integration and Empowerment of Communities), и MFA (Macedonian Fashion Association) на теми како етички консумеризам, бркање на допамин во модата, родова еднаквост во модната индустрија и оддржливи практики во модата.

Како стилист, Серафимовска има работено на едиторијали во модни магазини низ светот како Nylon USA, L’Officiel (Azerbaijan), Fault (USA), Portet (MK); стилизирање на модни ревии и VIP персони за брендовите Cristina Ruales, Coach и Pinc Partywear и стилизирање на познати ѕвезди како Alicia Keys, Taryn Manning. Моментално Сара соработува и со младата пејачка Дина Јашари.